Ólánið

Geir H

Sá ykkar stjórnarmanna sem stendur eindregið við að láta ekki undan og hafna frekar láninu hefur mitt umboð til þess

Við hættum frekar við lánið

Þrælakistur

Á sama tíma og Blökkuþrælar Ameríku losna endanlega úr hlekkjunum erum við Íslendingar fjötraðir í annað sinn í þrælakisturnar,hið fyrra sinn var á svartasta tíma miðalda,ef einhver náði að rétta úr bakinu ,þá var kirkjan og embættismannaliðið komið á bakið á honum og barði hann umsvifalaust niður eða brenndi á báli  fyrir allt það sem þeim gat dottið í hug að bera á svona uppreisnarseggi og galdralýð,hugsið ykkur,fólk var brennt fyrir galdra og almúginn jafnvel trúði,máttur lyga yfirstéttanna var slíkur að jafnvel greindasta fólk lét undan,og sú meðvirkni virðist hafa erfst mann fram af manni allt til okkar daga

Ég er að hugsa um þetta því að nú eru þessir tímar að renna upp aftur,að vísu poppaðir upp og í takt  við tímann,en engu að síður sama niðurstaða algjört ófrelsi og ójöfnuður.

Heldur þessi VR maður G.P.P. virkilega að hann geti selt okkur þau töfrabrögð að það hafi verið með hagsmuni almennra hluthafa sem stjórn KÞ tók þessa ákvörðun um falla frá sjálfskuldarábyrgð lykilmanna sem skulduðu andlag hlutabréfa sinna.Nei og aftur  nei,að vísu sýndist  mér hann vita að við vissum,að hann sagði bara hálfsannleika,svo kannski á hann til ærlega taug og segir af sér öllum embættum fyrir VR því það eru einu viðbrögðin sem sæma.

Og svo ég komi mér að erindinu.

Í dag átti ég tal við ungann mann sem keypti íbúð fyrir 4 árum og átti til skamms tíma um helming í henni ,en nú eru lánin komin upp fyrir söluverð og jafnvel ekki hægt að selja ,hann var í alvöru að velta því fyrir sér að labb út úr eigninni og láta lánadrottnum eftir að sýsla með hana og láta reyna á hvort farið verður fram á gjaldþrot, sjálfur á hann kost á vinnu erlendis .Það er  skiljanleg afstaða þegar ungt fólk sem getur svo vel spjarað sig í normal umhverfi,getur ekki hugsað sér að vera í þrældóm það sem eftir er,heldur fer frá öllu sínu til að byrja nýtt líf í alvöru landi

Hann lét þess getið að hann hefði alltaf verið í skilum en núna væri staðan þannig að það væri honum gjörsamlega ofviða,í prinsippinu, að taka á sig og fjölskylduna margra ára þrældóm til að bæta fyrir misgjörðir annarra .

Svo brosti hann og sagði" Svo höfum við kallað Osama bin Laten glæpamann,hann er bara krakki í samanburði við okkar fauta"     mig setti hljóðan, en þetta skyldi þó ekki vera rétt hjá honum?

Þeir sem sögðu að allir ættu að standa saman,hafa eflaust meint að það fengju þá allir ábyrgðareftirgjöf og niðurfellingar skulda,eins og topparnir,.Eða hvað?

 

Hvað þá!

Í vor þegar trukkararnir voru að mótmæla og reyndu að ná eyrum stjórnvalda þá var mikill munur á viðbrögðum Samgöngumálaráðherra,hann virti "þennan skríl"þó viðlits og sat einn eða tvo fundi með sendinefnd bílstjóranna,en Fjármálaráðherra var ekki eins ljúfur enda vel studdur af Forsætis sem kallaði mótmælendur öllum illum nöfnum og voru þeir báðir frekar ólíðræðislegir í allri sinni framgöng,og marg bentu fréttamönnum á að "ekki væri við þá að sakast heldur menn í útlöndum"síðan höfum við fengið að heyra það mjög oft endurtekið,þó tók nú steininn úr þegar sendinefnd bílstjóranna fór á fund stjórnarandstöðunnar,í allsherjarnefnd, þar mættu tveir fulltrúar frá Frjálslindum og þar með upptalið,Framsóknarmaðurinn boðaði forföll(hafði ekki áhuga)eins var um VG manninn.Þessi fundur og allt sem þar kom fram átti síðan að vera topp leyndarmál vegna þess að Frjálslyndir töldu sig geta komið fram ábendingum til nefndarinnar,allt í plati til að gera sig áhugaverða í augum mættra bílstjóra og koma því að Frjálslyndir væru þeirra menn.Ja hérna.

Þegar fyrirsátin var við Rauðavatn komu berlega í ljós stjórnunaraðferðir Íslenskra yfirvalda öllu var hleypt í bál og brand og sem mest gert úr því hættuástandi sem trukkarnir sköpuðu en enginn vildi vita að Stjórnvöld ,löggan að boðun þeirra, hélt Suðurlandsvegi lokuðum í fjóra tíma bara til að hefna sín á einum manni og þar sem hann var ekki á staðnum þá var bílinn hans stórskemmdur.

Ég rifja þetta upp svona á hundavaði vegna þess að ef Íslensk alþýða ætlar að fara að standa í mótmælum og fyrir  kröfufundum ,þá er vert að hafa í huga að ef ekki eru einhverjar lausnir fundnar og nýir menn til að taka við þá kallar fólkið bara yfir sig sömu aðferðirnar það eina sem breytist er litrófið á stjórninni.Þetta þinglið hefur svo sannarlega fengið sitt tækifæri en bara misnotaði það,margoft síðan 1944.Formaður Rafiðnarins kom með góða tillögu 33 þingmenn það er alveg nóg,en á að velja þá úr gamla hópnum?.Hvað breytist þá ?ekkert nema röðin í Eldhúsdagsumræðunum.Þessu verður hver og ein að svara fyrir sig..

Ef fólk ætlar að segja A þá þarf það um leið að vera tilbúið að segja B

Ef enginn treystir sér til að veita svona hreyfingu forystu væri alveg skoðandi að fá eins og einn Frakka til að leiða hópinn,þeir eru vanir byltingu þar og hún  virkaði..

Það er nú svo

         Það er svo auðvelt að hrópa og æpa og heimta að blóð renni,aftökur,afsagnir og svo framvegis

Á meðan við höfum ekki breytt reglunum þá fáum við bara aðra pappakassa í brúnna,ekkert skárri og jafnvel enn verri,þó það ætti nú að vera tæknilega útilokað,hver vill svona í alvörunni fá einhvern úr VG í forsætis,eða viljum við það? eða kannski Jón Magg,að ég tali nú ekki um Guðna....

  Aldrei skaltu að leiðum lesti

    leyta í  fari annars manns

   heldur kafa aðeins dýpra

   eftir bestu kostum hans

   geymdu ekki góðum vini

   gjafir þínar í dánarkrans..    

Þetta er vert að hafa í huga núna,þegar sverfir að,og lýðurinn vill hengja einhvern bara til að hefna sín.

Svo endurtek ég enn einu sinni.

Þingmenn og aðrir landsfeður og mæður

Hættið að tala svona niður til okkar og skvaldra um að allir séu á sama bát og allt það,

Hannes H og Pétur Blöndal hafa báðir  sagt núna á þessum sólahring annar í Kastl og hinn hjá Arnþrúði"Járnþrúði",að það komi ekkert fyrir starfsmenn Ríkis og bæja,þar séu allir öryggir um störf sín.  Þá vitum við það,það er ekki meiningin að hrófla við neinum þar.Annars sagi HH áðan að hann væri alveg til í að lækka sín laun um 10% Hlutfallslega er það ekkert í líkingu við fórnir þeirra sem neðstir eru og fá allan skellinn án afsláttar.

Því segi ég,enn og aftur:....... Hættið að tala niður til almennings,og umfram allt farið að segja satt....

Fátt er svo með öllu illt !

Merkilegt nokk.

Mér finnst ein og allur hinn sauðsvarti almenningur sé tillitsamari og kurteisari hvert við annað nú  seinustu daga heldur en síðustu misserin fyrir hrun,farin að halda opnum hurðum fyrir aðra og taka undir ef boðinn er góður dagur ,og svo mætti lengi telja.

Svo er þess farið að gæta út í umferðinni líka,svei mér þá .

Það skyldi þó ekki verða raunin á að  það þurfi þjóðargjaldþrot til að við Íslendingar förum að brúka mannasiði.

Sannleikur

Halló

Hvernig væri nú að ráðamenn og landsfeður_mæður_ færu nú að segja okkur sannleikann.

Og draga ekkert undan,það morar allt af hálfsannleika og þaðan af minni heiðarleika í millum manna.

Það er krafa nr 1: Sannleikann allan og ekkert annað,þá fer lýðurinn að treysta ykkur aftur smá saman og ekki fyrr,

Stjórn og stjórnarandstaða,Seðlabankastjórar og ráðuneytisstjórar,útrásarböðlar,allt heila klabbið farið að segja okkur satt...

Fólkið er ekki lágkúruleg fífl og ef þig snúið á betri veg sannleikans verður hefndin kannski mildari,athugið það þetta er rétt að byrja,þið þurfið líka að komast af..

Svona til að minna á:  Mér er misboðið og ofbíður þegar fólkið í öruggu stöðunum er að brýna lýðinn um samstöðu.og að allir séu á sama bát og ég tala nú ekki um þegar við erum minnt á að við séum svo auðug og lánsöm

Sannleikann og hættið að tala niður til múgsins...

PS. Varaformaður Sjallanna er heldur betur að vinna á,og þar fer leiðtogi  

Norska krónan?

Eftir að hafa hugsað málið í langan tíma finnst mér að:

Við eigum ekki að ganga í ESB,vegna þess að það er bara til að hverfa alveg af yfirborði jarðar,sem þjóð,og gleymast um alla framtíð,nei við skulum heldur gera eins og vogunarsjóðirnir,við veðjum á að það sé happadrýgra að vera ein sér hér út í ballarhafi , enn sjálfstæð og sjálfráða.

Það verður betra að selja okkar framleiðslu beint frekar en í gegnum EES.

Látum Rússa USA og ESB gera hosur sínar grænar fyrir okkur og bjóða í viðskipti okkar og veru tilbúin að semja í allar áttir eins og Svíar gerðu á stríðsárunum þegar önnur heimsstyrjöldin geysaði .

Síðan er alveg nauðsynlegt að binda okkar gjaldmiðil við t.d.Norsku Krónuna, alveg pikkfasta við hana ,svo misvitrir stjórnmálamenn okkar geti ekki eyðilagt hana enn einu sinni.

Nú er nóg komið ekki fleiri nefndir heldur framkvæma

Tókuð þið eftir því að 6.okt sagi Geir    Guð blessi Ísland

hann hefði átt að segja                     Guð blessi Íslensku þjóðina

hitt er bara grjót

Nú er úr vöndu að ráða,hver er að plata

Eftir að hafa séð Kompás í kvöld er ég gjörsamlega uppgefinn og andlega örmagna,hvað kann einhver að spyrja,þolir maðurinn ekkert...

Nú er svo komið að Björgólfur Th verður  að leggja fram upptökur eða eitthvað álíka máli sínu til sönnunar því að ef þetta er rétt hjá honum eru stjórnvöld á leið út úr sólkerfinu,ef ekki eru til sönnunargögn þá spyr ég hver hversvega að vera segja ósatt núna það minkar ekkert andúðina sem útrásarvíkingarnir eru látnir finna nú um stundir..

Ef Breska stjórnin hefur ræst út toppmann í breska fjármálaeftirlitinu til símafundar við þá í Lí þá eru örugglega til upptökur af þeim samtölum ef ekki þá er þetta í hæsta máta ósmekkleg lýi,og ber að draga í land strax.

Seðlabanki á heldur ekki að komast upp með að svara í Suður  þegar spurt er í Norður það  er með smjörklípu.eins og að þetta hefði ekki leyst allan vanda LÍ

Uppreisn

Heyrði ég það rétt haft eftir Steingrími J,í ´Rúv,að ef gengið yrði að afarkostum Breta v innlána í Bretlandi yrði gerð uppreisn?

Mig langar að sjá VG leiða uppreisn þó svo að uppreisn sé ekki fýsilegur kostur,þó kannski óumflýanlegur, þá væri samt gaman að velta því fyrir sér hvernig VG ætla að leiða hana með þeim vestrænu velmegunarsósealistum  sem fylla þann þingflokk...Lesist sófakommar..

En spurningin er var þingmaðurinn að boða uppreisn eða vara við henni???????

Silfur Egils

Mikið var sorglegt að sjá hvernig Kristján Júlíusson reyndi og komst hjá að svara spurningum Egils um stjórn Seðlabankans,ég hélt að hann væri kjarkmaður,og svo hét það að axla ábyrgð hjá Kristrúnu Heimisd að fólk væri í vinnunni sinni .

Stjórnmálamenn verða nú að sýna þann kjark og það þor,hvar sem þeir standa í þessum slag sem Íslendingar eru í núna og tjá sig afdráttarlaust og svara frá eigin brjósti en ekki reyna að þóknast einhverri  hópsálarsamvisku sem gefin er út af flokkunum.

Kristrún vann sér þó það til tekna þegar leið á þáttinn að segjast ekki hafa meint það sem hún sagði fyrr  í þættinum og lét sjást að henni þótti.. Það var mannsbragur.

Það eru kannski fimm til tíu þingmenn samanlagt í öllum flokkum, sem eru meðvitaðir um ábyrgð sína hinir eru bara þarna,geymi það til betri tíma að telja þá upp

Mér misbíður þetta tal um að allir séu í sama bátnum.

Það er blekkingarhjal til að sefa almúgann svo að hann fatti ekki afl sitt og rói í burtu frá Yfirstéttinni.